The Bible—Its Power in Your Life

Baebol i halpem plante milian man blong oli jenisim fasin blong laef blong olgeta, blong i kam gud moa. ?Wanem sam stamba rul long Baebol we, taem yumi folem olgeta, oli save halpem yumi blong winim ol problem blong laef tede? I sua se bambae yu glad blong faenem ansa blong kwestin ya taem yu lukluk video ya, The Bible—Its Power in Your Life (Baebol—Paoa Blong Hem Long Laef Blong Yu). Video ya i nambatu long ol tri video we i stap long DVD ya, The Bible—A Book of Fact and Prophecy. Afta we yu lukluk video ya, traem ansa long ol kwestin ya:

(1) ?From wanem yumi save talem se Baebol i no wan buk olsem ol narafala buk nomo? (Hib. 4:12) (2) Sipos Baebol i save mekem laef blong ol man i kamgud moa, ?from wanem ol man oli stap kasem tumas trabol? (3) ?Wanem stamba tok blong Baebol? (4) ?Wanem ol vas blong Baebol we oli halpem ol hasban mo waef (a) blong oli kamgud moa long fasin blong toktok tugeta mo (b) blong bos long kros blong olgeta? (5) ?Olsem wanem Kristin tingting long saed blong mared i mekem laef blong famle i kam moagud? (Efes. 5:28, 29) (6) ?Olsem wanem Jeova i soemaot wan gudfala eksampol long ol papa mama? (Mak 1:9-11) (7) ?Olsem wanem ol papa mama oli save mekem se evriwan long famle oli glad long famle stadi? (8) ?Antap long Baebol stadi, Tok blong God i pulum ol papa mama blong givim wanem narafala samting long ol pikinini blong olgeta? (9) ?Olsem wanem advaes blong Baebol i save halpem ol famle blong oli gat inaf mane blong laef? (10) ?Wanem ol advaes blong Baebol long saed blong klin fasin, drag, dring bitim mak, mo tingting i foldaon, we oli save daonem ol problem long saed blong helt sipos ol man oli folem ol rul ya? (11) ?Wanem ol promes blong Baebol we oli save givhan long yumi blong stanap strong? (Job 33:25; Sam 145:16) (12) ?Olsem wanem ol tijing long Tok blong God oli jenisim sam samting long laef blong yu? (13) ?Olsem wanem yu save yusum video ya blong halpem ol narafala?