The Bible—A Book of Fact and Prophecy

Mankind’s Oldest Modern Book i faswan long ol tri film we i stap long DVD ya The Bible—A Book of Fact and Prophecy. Taem yu lukluk DVD ya finis, ansa long ol kwestin we i kam biaen:

(1) ?Long wanem rod Baebol i agri wetem saens blong tede? (2) ?Olsem wanem yumi save sua se ol Baebol long taem blong yumi oli laenap stret wetem ol olfala hanraet? (3) ?Wanem wan samting long ol olfala hanraet we yu yu sapraes long hem? (4) ?Olsem wanem John Wycliffe, Johannes Gutenberg, William Tyndale, John Hus, Martin Luther, Casiodoro de Reina, mo Charles Taze Russell oli bin givhan blong karem Tok blong God i go long plante ples long wol, mo olsem wanem ol jos oli bin strong blong agensem Baebol? (5) ?Olsem wanem ol advaes blong Baebol oli bin givhan long sam man blong winim ol problem long saed blong helt (Sam 34:8), plelaki bitim mak (1 Tim. 6:9, 10), seraot insaed long mared mo fasin blong mekem krangke long hasban no waef (1 Kor. 13:4, 5; Efes. 5:28-33), mo fasin blong ronem ol sas samting blong wol ya (Mat. 16:26)? (6) ?Wanem pruf i soemaot se ol stamba rul blong Baebol oli save finisim fasin seraot bitwin ol kantri, kala, mo laen blong man long wol ya (Luk 10:27)? (7) ?Long wanem rod ol stamba rul blong Baebol oli karem moa glad i kam long yu, taem yu mekem oli wok long laef blong yu? (8) ?Olsem wanem yu save yusum DVD ya blong givhan long ol narafala?—Lukluk Kingdom Wok Blong Yumi blong Februari 2006, pej 10.