?Yumi Tokbaot Wanem Long Ol Magasin?

Wajtaoa Nov. 15

“Yumi harem finis toktok ya ‘Jisas i ded from yumi.’ [Tokbaot Jon 3⁠:16.] ?Samtaem yu stap askem long yu wan se olsem wanem wan man nomo i ded mo i save sevem yumi evriwan? [Letem man i ansa.] Baebol i givim wan ansa we i klia. Haf ya, ‘Jisas i Sevem Man​—⁠?Olsem Wanem?,’ i eksplenem klia nomo.”

Wekap! Nov. 22 (Inglis/Franis)

“?Ol man oli stap mekem evri samting we oli save mekem blong sevem ol samting we oli laef raon long yumi? [Letem man i ansa.] Plante man oli wantem save sipos laef blong ol samting long wol i save gohed olwe. Yumi tangkiu from we God i intres tumas long bisnes ya. [Ridim Nehemaea 9⁠:6.] Wekap! i tokbaot wanem samting bambae i hapen long laef long wol long fiuja.”

Wajtaoa Dis. 1

“Long taem ya blong yia, fulap man oli bisi tumas long ol presen blong givimaot mo long ol narafala wok bakegen. Samting ya i mekem yumi tingbaot ‘Golden Rul.’ [Ridim Matiu 7:​12] ?Yu ting se ol man oli save mekem rul ya i wok long laef blong olgeta long olgeta yia? [Letem man i ansa.] Magasin ya i karem plante samting we yumi save tingting long hem long ‘Golden Rul​—⁠?Hem i Wok Yet?’ ”

Wekap! Okt./Dis. (Bislama)

“God i wantem se yumi evriwan i haremgud mo i gat wan bodi we i stret gud olgeta. ?Sipos i olsem, from wanem nao yumi stap kasem plante kaen sik? [Letem man i ansa.] Baebol i ansa long kwestin ya long Rom 5⁠:12. [Ridim.] Magasin ya i tokbaot tingting blong God blong givim gud helt long ol man mo rod we bambae Hem i yusum.”