?From Wanem Yumi Lavem Olgeta Brata Blong Yumi Long Wol?
Long wol blong tede i no gat lav. ?Olsem wanem yumi save gohed blong soem strongfala lav long ol Kristin brata blong yumi? (1 Pita 2:17) ?Olsem wanem yumi save soem long ol narafala se ogenaesesen blong Jeova long fulwol i rili joengud? (Mat. 23:8) Yumi save soem video kaset ya Our Whole Association of Brothers. Video kaset ya i givim sam risen from wanem yumi lavlavem yumi. Traem ansarem ol kwestin ya:
(1) ?Wanem trifala wok we yumi mo ol brata blong yumi long fulwol, yumi evriwan i mekem? (2) ?Olsem wanem ol brata blong yumi oli soem strong tingting blong prij (a) long kantri blong Alaska, (b) long ol bigbigfala haba blong Yurop, mo (c) long dak bus blong Peru? (3) ?Wanem wan samting we i givhan gud long yumi long wok blong prij? (4) ?From wanem i nogud blong ting se wok blong prij i wan wok olbaot nomo, i no spesel? (5) Talem sam eksampol blong soem se ol Witnes blong Jeova oli givgivhan long olgeta long taem blong trabol, olsem etkwek, hariken, mo faet. (Ridim ol tok blong Takao long pej 23 blong Wekap!, Franis mo Inglis blong Ogis 22, 1995, mo toktok blong Kotoyo long pej 20 blong Wekap! Franis mo Inglis blong Oktoba 22, 1996.) (6) ?Long wanem rod yumi evriwan i save soem fasin ya we i makemaot yumi olsem ol trufala Kristin? (Jon 13:35) (7) ?Yumi mas tingbaot ol miting blong kongregesen olsem wanem? (8) ?Samfala we bifo oli no gat Haos Kingdom, oli harem olsem wanem taem ol brata oli wokem wan Haos Kingdom blong olgeta? (9) ?Taem gavman i putum tabu long wok blong ol brata blong yumi long Is Yurop mo Rasia, olsem wanem ol brata ya oli stanap strong? (10) ?Naoia yet, wanem bigfala traehad we plante Witnes oli mekem blong go long ol Distrik asembli, mo from wanem oli traehad olsem? ?Yu yu harem olsem wanem taem yu luk samting ya? (11) ?From wanem tingting blong yu i strong blong wosip wetem ol brata, halpem olgeta we oli trabol, mo talemaot gud nius long enitaem mo long eniples we yu save mekem olsem? (12) ?From wanem maet i gud blong soem video kaset ya long plante man we oli intres?