?Yumi Tokbaot Wanem Long Ol Magasin?

Wajtaoa Maj 1

“Mifala i wantem save tingting blong yu long wan vas we mifala i intres tumas long hem. [Ridim Matiu 5:10.] ?Olsem wanem wan man i save hapi taem narafala i mekem trabol long hem? [Letem man i ansa.] Faswan mo seken haf blong magasin ya oli tokbaot samfala we oli bin holem glad blong olgeta, nating se oli safa bigwan. Bambae yu laekem blong ridim olsem wanem ol man ya oli naf blong mekem olsem.”

Wekap! Maj 8 (Franis/Inglis)

“?Yu yu agri se, nating we laef blong yumi i fulap long trabol, i gat sam samting yet we yumi mas gat tangkiu from? [Letem man i ansa.] Wan long ol samting ya hemia, nambawan bodi blong yumi. [Ridim Ol Sam 139:14.] Yumi tangkiu tumas blong gat wan bodi we i naf blong mekem plante samting olsem lukluk, harem, filim mo testem samting. Wekap! ya i tokbaot moa long saed ya.”

Wajtaoa Maj 15

“?Yu ting se ol tijing blong Jisas oli stret long taem blong yumi? [Letem man i ansa.] Ating bambae yu yu agri wetem oda ya we Jisas i givim long laswan dei blong laef blong hem long wol ya. [Ridim Jon 15:12.] Jisas i tijim sam narafala impoten lesen long dei ya. Wajtaoa ya i soem olsem wanem ol lesen ya oli save givhan long yumi.”

Wekap! Jen./Maj (Bislama)

“Ating yu yu agri se tede raf fasin i fulap long wol. Hem i kamaot insaed long famle, long skul mo long ol pleplei tu. ?Be long tingting blong yu, olsem wanem bambae raf fasin i finis? [Letem man i ansa. Ale ridim Aesea 60:18.] Long pej 12, Wekap! ya i soemaot olsem wanem God bambae i mekem samting ya.”