?Yumi Tokbaot Wanem Long Ol Magasin?

Wajtaoa Maj 1

“Evridei, yumi harem nius blong fasin stronghed blong ol yangfala. I luk olsem se olgeta oli no tinghae nating long ol gudfala fasin. ?Wanem advaes we i save givhan long ol yangfala? [Letem man i ansa.] Lesin long ansa we Baebol i givim long kwestin ya. [Ridim Efesas 6:1 mo openem magasin i go long pej 23.] Haf ya i eksplenem from wanem i gud blong gat fasin obei.”

Wekap! Jen./Maj (Bislama)

“Plante yangfala oli stap tingbaot blong mared. ?Be weples oli save faenem ol save long saed blong mared we oli save trastem? [Letem man i ansa mo ridim 1 Timoti 3:16. Biaen, openem magasin i go long pej 30.] Haf ya i soem olsem wanem yumi save kam naf blong mared.”

Wajtaoa Eprel 1

“Plante taem ol man oli tokbaot taem ya we Jisas Kraes bambae i kam. ?Yu ting se taem ya i wan taem blong glad no wan taem blong fraet? [Letem man i ansa.] Makem wanem tingting we wan man blong raetem Baebol, Jon, i gat long saed ya. [Ridim Revelesen 22:20.] Magasin ya i eksplenem wanem samting we Jisas bambae i mekem taem hem i kam.”

Wekap! Epr./Jun (Bislama)

“Long plante ples long wol, ol man oli luk se ol gudfala fasin oli stap lus. ?Yu tu yu luk samting ya? [Letem man i ansa.] Ol fasin we yumi luk long wol tede oli mekem wan profet blong Baebol i kamtru. [Ridim 2 Timoti 3:2-4.] Magasin ya i soem from wanem ol gudfala fasin oli stap lus mo nogud frut we ol man oli stap kasem from.”