?Yumi Tokbaot Wanem Long Ol Magasin?

Wajtaoa Maj 1

“Taem mi storian wetem ol man raonabaot, samfala oli gat tingting ya se sipos i gat wan God we i kea long ol man, ?from wanem hem i letem ol man ol harem nogud mo oli safa? ?Wanem tingting blong yu long saed ya? [Letem man i ansa. Mo ridim Job 34:10.]” Tokbaot haf we i stat long pej 8.

Wekap! Jen./Maj

“Ating yu yu agri se i gat plante problem raonabaot long yumi we oli stap mekem tingting blong yumi trabol. ?Yu ting se weples yumi save faenem advaes we i save givhan long yumi blong winim ol problem ya? [Letem man i ansa.] Mi faenem se Baebol i bin givhan long mi bigwan from we hem i tijim yumi olsem wanem blong stap glad. [Ridim Proveb 3:13.]” Tokbaot haf we i stat long pej 23.

Wajtaoa Epr. 1

“Evri dei yumi stap harem ol man i safa, i gat disasta, mo man i ded. ?Yu, ting se wan dei bambae yumi no moa safa from ol samting ya? [Letem man i ansa.] Vas ya blong Baebol i givim hop long plante milian man. [Ridim Jon 3:16.] Magasin ya i tokbaot ‘?Olsem Wanem Ded Blong Jisas i Save Sevem Yu?’”

Wekap! Epr./Jun

“?Yu ting se ol samting ya oli stap kamtru tede? [Ridim 2 Timoti 3:1-4. Mo letem man i ansa.] Magasin ya i eksplenem se i gat gudfala risen blong intres long ol las dei from we ol samting ya oli soemaot se i gat ol gudgudfala samting we bambae oli hapen long wol.”