?Yumi Tokbaot Wanem Long Ol Magasin?

Wajtaoa Epr. 1

“Plante milian man tede oli bilif se i gat ol enjel. ?Samtaem yu yu stap tingbaot se ol enjel oli stat olsem wanem? [Letem man i ansa. Biaen, ridim Job 38:4, 6, 7.] Baebol i soemaot se God nao i wokem ol enjel, mo olgeta oli stap finis taem God i wokem ol man. [Openem magasin i go long pej 7.] Magasin ya i soemaot bigfala wok we klosap nao ol enjel bambae oli mekem.”

Wekap! Epr./Jun (Bislama)

“?Sipos ol pikinini no ol narafala oli askem long yu from wanem plante rabis samting i stap hapen tede, bambae yu talem wanem? [Letem man i ansa.] Baebol i talem ansa blong kwestin ya ‘?Hu i Stamba Blong Ol Nogud Samting?’ [Ridim 1 Jon 5:19.] Wekap! ya bambae i givhan long yu blong kasem save hu nao rabis man ya mo olsem wanem yumi save agensem hem.” Tokbaot haf we i stat long pej 14.

Wajtaoa Mei 1

“Yumi laef long wan taem we klosap olgeta man oli fesem ol bigfala trabol. Plante oli go luk ol defren man blong kasem advaes blong lidim olgeta. ?Long tingting blong yu, weples nao yumi save faenem gudfala advaes we i rili save givhan long yumi? [Letem man i ansa. Biaen, ridim Ol Sam 119:105 mo openem magasin i go long pej 14.] Magasin ya i soem olsem wanem Baebol i save givhan long yumi blong winim ol trabol we yumi kasem.”

Wekap! Epr./Jun (Bislama)

“Plante man oli talem se oli Kristin. ?Yu yu ting se i minim wanem blong stap olsem wan Kristin? [Letem man i ansa.] Makem tok we Jisas i talem long ples ya. [Ridim Jon 15:14.] Haf ya i soem se i no naf blong talem nomo se yumi Kristin. Yumi mas mekem sam moa samting.” Tokbaot haf we i stat long pej 23.