?Yumi Tokbaot Wanem Long Ol Magasin?
Wajtaoa Epr. 15
“Samfala oli ting se evri samting we i hapen long laef, wetem ol aksiden we oli kilim man i ded tu, oli kamaot from we God i wantem olsem. ?Yu yu bin tingbaot samting ya? [Letem man i ansa.] Plante man oli save prea ya. [Ridim Matiu 6:10b.] ?Wanem samting we God i wantem long saed blong wol ya, mo wetaem nao samting ya bambae i kamtru fulwan? Magasin ya i givim ansa blong Baebol long ol kwestin ya.”
Wekap! Epr. 22 (Inglis/Franis)
“Tede, plante man oli harem se i no gat wan gudfala samting long fiuja we oli save putum tingting blong olgeta i stap strong long hem. ?Yu tu yu harem olsemia? [Wet long ansa. Nao ridim Rom 15:4.] Plante man oli luksave se yumi nidim hop. Bambae yu glad blong ridim Awake! ya we i givim seven risen from wanem yumi save gat hop, folem samting we Baebol i talem.”
Wajtaoa Mei 1
“Sam lida blong skul we oli wantem mekem laef blong ol man i kamgud moa, oli joen long politik. Be, makemgud wanem we Jisas i mekem taem ol man oli traem putumap hem i kam king blong olgeta. [Ridim Jon 6:15.] Jisas i spenem taem blong hem blong mekem samting we bambae i halpem ol man blong olwe. Magasin ya i tokbaot wanem samting we hem i mekem.”
Wekap! Eprel/Jun (Bislama)
“Hemia prapa nem blong God long lanwis Hibru. [Soem nem ya long fored blong magasin.] Sam man oli strong blong talem se i tabu blong yusum nem ya. Sam narafala oli yusum nem ya oltaem. Wekap! ya i stap tokbaot tufala tingting ya. Hem i tokbaot tu, olsem wanem yumi save singaot God long nem blong hem.” Ridim Ol Sam 83:18, NW. Mo yu save ridim futnot long Eksodas 3:14.