?Yumi Tokbaot Wanem Long Ol Magasin?

Wajtaoa Nov. 15

“Plante man oli stap tingbaot se from wanem ol trabol we i stap spolem ol man long wol oli no stap kam gud, be oli kam moa nogud. ?Samtaem yu stap tingbaot vas ya we i talem stret risen blong samting ya? [Ridim Revelesen 12⁠:⁠9. Biaen, letem man i ansa.] Magasin ya i tokbaot ol plan we Setan i yusum blong lidim ol man oli go krangke, mo olsem wanem yumi save stanap strong agens long paoa blong hem.”

Wekap! Nov. 22 (Franis/Inglis)

“Nating se i gat plante kakae we i naf blong evriwan long wol, samwe long 800 milian man oli no gat naf kakae. Ating bambae yu agri se samting ya i nogud tumas. [Letem man i ansa.] Magasin ya i tokbaot bigfala wok ya blong givim kakae long ol man we oli laef long ol taon. Mo tu, hem i tokbaot promes blong Baebol long saed blong taem ya we bambae ol man long wol oli no moa hanggri.” Ridim Ol Sam 72⁠:16a.

Wajtaoa Dis. 1

“Taem ol man oli harem tok ya ‘Amagedon,’ plante oli tingbaot wan bigfala trabol we bambae i mekem olgeta man long wol oli lus. [Soemaot bokis long pej 3.] ?Olsem wanem? ?Yu yu sapraes blong save se Amagedon i wan long ol beswan samting we i save kamaot long laef blong yumi? [Letem man i ansa.] Magasin ya i eksplenem from wanem.” Ridim 2 Pita 3⁠:⁠13.

Wekap! Okt./Dis. (Bislama)

“Plante man oli wari from we fulap man oli stap dring bitim mak. ?Yu yu ting se hemia i wan bigfala problem? [Letem man i ansa. Biaen, ridim Ol Proveb 20⁠:⁠1.] Taem man i dring bitim mak, hem i mekem se hem mo famle blong hem oli save kasem plante trabol. Long haf ya, i gat ol advaes we oli save givhan long yumi blong no foldaon long trap ya blong dring bitim mak.”