?Yumi Tokbaot Wanem Long Ol Magasin?

Wajtoa Nov. 15

“Bighaf blong ol man oli wantem gat gudfala helt mo longfala laef. ?Be sipos i gat rod, yu yu glad blong laef olwe? [Letem man i ansa. Nao ridim Jon 17⁠:⁠3.] Magasin ya i tokbaot promes we Baebol i talem long saed blong laef we i no save finis. Hem i tokbaot tu se laef bambae i olsem wanem taem promes ya i kamtru.”

Wekap! Nov. 22 (Inglis/Franis)

“Long ol laswan 20 yia, plante niufala save oli kamaot long saed blong sik ya AIDS mo ol meresin blong hem. Be, plante man oli stap kasem ol rong tingting yet long saed blong sik ya. [Soem bokis “Myths About AIDS” (“Rong Tingting Long Saed Blong AIDS”), mo letem man i ansa.] Magasin ya i tokbaot olsem wanem ol papa mama oli save protektem ol pikinini blong olgeta.” Ridim Dutronome 6:​6, 7.

Wajtoa Dis. 1

“Wan fasin we i makemaot ol man se oli defren long ol anamol, hemia se ol man oli naf blong save wanem samting i stret mo wanem samting i no stret. Sore tumas, be plante man oli mekem samting we i no stret. ?Yu yu ting se from wanem i olsem? [Letem man i ansa. Nao ridim Jeremaea 17⁠:9 no Revelesen 12⁠:⁠9.] Magasin ya i tokbaot wanem samting bambae i halpem yumi blong save mo blong mekem samting we i stret.”

Wekap! Okt./Dis. (Bislama)

“Evri yia, ol man oli mekem i nogud long plante handred milian pikinini. ?Yu yu ting se God i lego ol pikinini ya? [Letem man i ansa. Nao ridim Ol Sam 27⁠:10.] Stori we i stap long pej 20 blong magasin ya, i tokbaot olsem wanem God i stap tingbaot ol pikinini mo nambawan hop we hem i givim long olgeta.”