?Yumi Tokbaot Wanem Long Ol Magasin?

Wajtaoa Dis. 15

“Long manis ya, plante man oli stap tingbaot taem we Jisas i bon long hem. ?Yu yu bin tingbaot wanem kaen famle Jisas i gruap long hem? [Letem man i ansa. Nao ridim Luk 2:51, 52.] Wajtaoa ya i stap tokbaot ol lesen we yumi save lanem long stori blong Jisas long Baebol.”

Wekap! Dis. 22 (Inglis/Franis)

“Yumi evriwan i wantem se ol pikinini blong yumi oli hapi mo oli gat wan gudfala laef. ?Yu ting se ol pikinini oli nidim wanem, blong oli save kam naf blong winim ol wari mo trabol long wol blong yumi? [Wet long ansa. Nao ridim Ol Proveb 22:6.] Wekap! ya i stap tokbaot wanem we ol pikinini oli nidim mo olsem wanem ol papa mama oli save givim ol samting ya long olgeta.”

Wajtaoa Jen. 1

“Plante man oli wantem tumas blong luk pis long wol ya. ?Yu ting se ol tok ya blong Baebol bambae oli kamtru samtaem? [Ridim Ol Sam 46:9. Nao letem man i ansa.] Wajtaoa ya i stap tokbaot olsem wanem pis bambae i kamtru, mo from wanem yumi save trastem promes blong God se wo bambae i finis.”

Wekap! Okt./Dis. (Bislama)

“Plante papa mama oli letem narafala i karemaot pikinini blong olgeta taem hem i jes bon. Be laef blong ol pikinini ya i no isi. ?Wanem i save givhan long olgeta? [Letem man i ansa, nao ridim Ol Sam 27:10.] Long pej 25, Wekap! ya i stap tokbaot sam nogud tingting we ol yangfala ya oli save gat, mo wanem samting we oli save mekem blong winim ol trabol blong olgeta.”