?Yumi Tokbaot Wanem Long Ol Magasin?

Wajtoa Dis. 15

“Long manis ya, olgeta man long wol oli mekem plante defren samting blong tingbaot taem we Jisas i bon. ?Yu yu save se profet tok blong Baebol i tokbaot taem ya se hem i laenap wetem pis we bambae i stap long wol blong olwe? [Letem man i ansa. Biaen ridim Aesea 9:​6, 7.] Magasin ya i tokbaot olsem wanem pis ya bambae i kamtru.”

Wekap! Dis. 22 (Inglis/Franis)

“?Yu yu makem se tede ol man oli tingbaot moa blong mekem bodi mo fes blong olgeta i naes? [Letem man i ansa.] Magasin ya i tokbaot sam denja we i save kasem yumi sipos yumi wari bitim mak blong mekem bodi blong yumi i stap naes. Mo tu, hem i tokbaot samting we i naes moa i bitim ol narafala samting.” Ridim 1 Pita 3:​3, 4.

Wajtoa Jen. 1

“Bighaf blong ol jos oli tijim ol man se oli mas lavem ol man we oli stap raonabaot long olgeta. [Ridim Matiu 22⁠:39.] ?Taswe, long tingting blong yu, from wanem ol jos oli stap biaen long ol faet mo ol raorao we oli stap kamaot long wol? [Letem man i ansa.] Wajtaoa ya i tokbaot kwestin ya se, ?Ol jos oli save mekem ol man oli joengud?”

Wekap! Okt./Dis. (Bislama)

“?Bambae yu yu ansa olsem wanem long kwestin ya? [Ridim kwestin we i stap long pej 24. Biaen wet long ansa.] Namba blong ol olfala long wol i stap kam antap. Makem olsem wanem God we i wokem yumi i intres long ol olfala. [Ridim Ol Proveb 23⁠:22.] Haf blong Wekap! ya i talemaot long yumi wanem fasin yumi mas mekem long ol olfala.”