?Yumi Tokbaot Wanem Long Ol Magasin?

Wajtaoa Dis. 1

“?Bambae yu ansa olsem wanem long kwestin ya? [Ridim kwestin we i stap long kava blong magasin, mo letem man i ansa.] God i wantem se ol man oli joengud mo wan dei bambae hem i mekem samting ya i kamtru. [Ridim Ol Sam 46:8, 9.] Magasin ya i yusum Baebol blong soemaot olsem wanem ol man bambae oli joengud long fulwol.”

Wekap! Okt./Dis. (Franis/Inglis)

“?Yu yu ting se ol fren mo famle blong yumi we oli ded, bambae oli laef bakegen? [Letem man i ansa.] Baebol i soemaot se wan dei ol dedman bambae oli aot long beregraon. [Ridim Jon 5:28, 29.] Magasin ya i soemaot from wanem yumi no mas fraet se man we i ded i lus blong olwe.”

Wajtaoa Jen. 1

“Plante man oli prea from Kingdom blong God se i kam. Eksampol, tingbaot prea we Jisas i tijim long man blong hem. [Ridim Matiu 6:9, 10.] ?Samtaem yu bin tingbaot se wanem ya Kingdom blong God mo wetaem bambae i kam? [Letem man i ansa.] Magasin ya i soem samting we Baebol i talem long saed ya.”

Wekap! Jen./Maj

“Bifo, oltaem ol man oli letem Baebol i lidim olgeta. Be plante man tede oli no moa sua gud long Baebol. ?Wanem tingting blong yu? [Letem man i ansa. Nao ridim 2 Timoti 3:16.] Spesel Wekap! ya i givim pruf se Baebol i rili kamaot long God.”