?Yumi Tokbaot Wanem Long Ol Magasin?

Wajtaoa Dis. 1

“Long taem blong yumi, klosap evri man oli gat hadtaem blong kasem mane. Ol jos tu oli faenem i had mo oli stap askem moa se man i givim mane. ?Yu yu ting se fasin ya i stret? [Letem man i ansa. Nao, ridim 1 Tesalonaeka 2⁠:⁠9.] Wajtaoa ya i soemaot tingting blong Baebol long saed ya.”

Wekap! Okt./Dis. (Bislama)

“Plante man oli ting se God i mas protektem ol Kristin, blong ol trabol oli no kasem olgeta. ?Wanem tingting blong yu? ?Ol trabol oli save kasem ol gudfala man, no nogat? [Letem man i ansa.] Baebol i talem stret se trabol i save kasem eni man long eni taem nomo. [Ridim Prija 9⁠:11 long pej 13 blong Wekap!.] Be, Wekap! ya i soemaot tu olsem wanem God i save protektem yumi.”

Wajtaoa Dis. 15

“Naoia hem i taem blong yia we plante man oli tingbaot Jisas. Stori we Baebol i talem long saed blong taem we Jisas i bon i save tijim yumi long plante samting. ?Yu bin save samting ya? [Letem man i ansa. Nao soem pej 5, mo ridim 2 Timoti 3⁠:16.] Wajtaoa ya i tokbaot sam long ol samting we yumi save lanem from.”

Wekap! Dis. 22 (Inglis/Franis)

“Tede, plante pleplei blong pikinini oli joen wetem raf fasin. ?Yu ting se ol papa mama oli mas wari long samting ya? [Letem man i ansa.] Plante papa mama oli letem vas ya blong Baebol i lidim olgeta. [Ridim Sam 11⁠:⁠5.] Wekap! ya i halpem ol famle blong oli skelemgud ol denja we maet i save kamaot from ol video gem.”