?Yumi Tokbaot Wanem Long Ol Magasin?

Wajtaoa Dis. 1

“Evri yia, taem yumi kasem manis ya, plante man oli tingbaot oda ya blong Jisas blong lavem ol man raonabaot long yumi. [Ridim Matiu 22:39.] ?Yu yu ting se wan dei bambae olgeta man long wol oli soemaot trufala lav long olgeta? [Letem man i ansa.] Magasin ya i tokbaot se i minim wanem blong lavem ol man raonabaot long yumi.”

Wekap! Okt./Dis. (Bislama)

“Taem wan pikinini i ded, plante man oli ting se hem i kam wan enjel long heven. ?Yu ting se samting ya i tru? [Letem man i ansa.] Baebol i soemaot se bifo we God i wokem wol ya, ol enjel oli stap finis long heven. [Ridim Job 38:4, 7. Biaen, openem magasin i go long pej 10.] Magasin ya i eksplenem wanem i hapen taem man i ded.”

Wajtaoa Jen. 1

“?Yu yu ting se God i makemaot wan stret taem blong jajem olgeta man long wol ya mo blong tekemaot ol rabis fasin? [Letem man i ansa. Biaen, ridim Sefanaea 1:14.] Baebol i soemaot se bambae i gat wan taem olsem. Yumi waes sipos yumi tingbaot se from wanem mo olsem wanem dei blong God blong jajem ol man bambae i kam. Magasin ya i eksplenem samting ya.”

Wekap! Jen./Maj (Bislama)

“Ol jos oli gat defdefren tingting long saed blong strong dring. ?Yu yu ting se God i tingting wanem long fasin blong dring? [Letem man i ansa.] Faswan merikel we Jisas i mekem, hemia taem hem i tanem wota i kam waen. Nating se i olsem, Baebol i givim woning ya long yumi. [Ridim Ol Proveb 20:1.] Haf ya i eksplenem stret tingting we Baebol i givim long saed ya.” Tokbaot haf we i stap long pej 18.