?Yumi Tokbaot Wanem Long Ol Magasin?

Wajtaoa Epr. 1

“?Yu yu ting se wan dei bambae i gat rod blong winim ded? [Letem man i ansa.] Baebol i tokbaot rod ya mo i kolem se laef bakegen. I luk olsem se plante man oli faenem i had blong bilivim se ol fren mo famle blong olgeta we oli ded bambae oli girap bakegen. Be makem wanem we Baebol i talem long Ol Wok 24⁠:15. [Ridim vas.] ?Wetaem mo weples samting ya bambae i hapen? Magasin ya i givim ansa we i kamaot long Baebol.”

Wekap! Epr./Jun (Bislama)

“Plante man oli talem se taem oli lukluk wan kros, samting ya i givhan long olgeta blong oli harem se oli stap klosap long God. Be samfala oli stap askem se: ?I stret blong wosip long samting we oli yusum blong kilim Jisas i ded? ?Jisas i rili ded long wan kros? Haf we i stat long pej 14 blong magasin ya i tokbaot tufala kwestin ya mo i soemaot tingting we Baebol i givim long saed ya.” Ridim Ol Wok 5⁠:​30, NW.

Wajtaoa Mei 1

“Klosap olgeta man oli agri se wan long ol stamba samting we i mekem famle i hapi, hemia fasin blong toktok tugeta. Be plante man oli luk se i hadwok blong toktok gud insaed long famle. ?From wanem i olsem? ?Wanem tingting blong yu? [Letem man i ansa.] Magasin ya i givim ol advaes long saed blong fasin blong toktok gud tugeta.” Ridim Jemes 1⁠:⁠19.

Wekap! Mei (Franis/Inglis)

“?From wanem yumi kam olfala? ?Samtaem yu bin askem kwestin ya? [Letem man i ansa.] Baebol i eksplenem from wanem yumi stap kam olfala, mo i soemaot olsem wanem God i openem rod blong yumi save laef olwe. [Ridim Aesea 25⁠:⁠8.] Wekap! ya i tokbaot sam long ol laswan save we ol man oli faenemaot long saed blong fasin blong kam olfala.”