Ol Samting Blong Tingbaot Long Memoriol

Ol elda oli mas tingbaot ol samting ya taem oli stap rere from Memoriol:

◼ Meksua se bambae oli pasem bred mo waen afta we san i godaon.

◼ Pem mo rerem stret waen mo ol stret samting blong mekem bred.—Lukluk Wajtaoa blong Februari 15, 2003, long pej 14-15.

◼ Karem ol plet, ol glas blong waen, wan gudfala tebol mo kaliko blong tebol, oli kam long Haos Kingdom mo putum rere olgeta bifo long Memoriol.

◼ Bifo long Memoriol, klinim gud Haos Kingdom no narafala haos we yufala i yusum blong mekem Memoriol.

◼ Bifo long Memoriol, jusumaot ol man blong welkam mo ol man blong karem bred mo waen i goraon, mo tokbaot wanem wok we bambae oli mas mekem, stret fasin we oli mas folem, mo eksplenem long olgeta se i impoten blong werem klos mo mekem hea long fasin we i soem ona.

◼ Ol elda oli mas meksua se oli karem bred mo waen i go long ol tabu man we oli sik, mo oli no save kam long Memoriol.

◼ Taem i gat moa long wan kongregesen we i yusum semfala Haos Kingdom, ol kongregesen oli mas mekem wan gudfala plan, blong ol man oli no fasfas tumas long doa, afsaed long Haos Kingdom, long rod, mo long ples blong putum ol trak.

◼ Sipos yufala i yusum wan narafala haos blong mekem Memoriol, meksua se ol maekrofon mo spika i mas wok gud blong ol man we oli stap long Memoriol oli save harem gud ol tok.