?Yumi Tokbaot Wanem Long Ol Magasin?

Wajtaoa Oktoba 1

“Sam man oli talem se taem man i pua hemia i stap soemaot se God i no glad long hem, taswe sipos yu stap tru long God, bambae hem i blesem yu wetem plante samting. ?Wanem tingting blong yu? [Letem man i ansa.] I gud blong save se Jisas i no wan rij man. [Ridim Luk 9:58.] Magasin ya i tokbaot blesing we ol man blong God oli stap kasem.”

Wekap! Oktoba-Disemba

“?Yu yu agri se tede olgeta famle oli fesem plante trabol long laef blong olgeta? [Letem man i ansa.] Plante man oli no save ol advaes blong Baebol we i save givhangud long olgeta. Hemia wan eksampol. [Ridim wan vas blong Baebol we i stap long magasin.] Spesel Wekap! ya i soemaot olsem wanem ol stamba trutok blong Baebol oli save halpem ol famle blong winim ol defdefren trabol we i stap kasem olgeta.”

Wajtaoa Novemba 1

“Yumi evriwan i fesem ol defdefren trabol long laef blong yumi. [Talem sam long ol trabol we ol man long ples blong yu oli fesem.] ?Yu ting se God i save halpem yumi blong winim ol trabol ya? [Letem man i ansa.] Jisas i soem wan rod we God i yusum blong halpem yumi. [Ridim Luk 11:13.] Magasin ya i eksplenem wanem ya tabu spirit mo olsem wanem hem i save givhan long yumi.”

Wekap! Oktoba-Disemba

“Yumi evriwan i wantem wan famle we i hapi. ?Yu yu agri long samting ya? [Letem man i ansa.] Baebol i tokbaot samting we yumi evriwan i save mekem blong famle i hapi, hemia blong soem lav olsem we God i stap soemaot.” Ridim Efesas 5:1, 2 mo soemaot spesel Wekap! ya.