?Yumi Tokbaot Wanem Long Ol Magasin?

Wajtaoa Mei 1

“?Yu yu save se Jisas i gat sam narafala nem? [Letem man i ansa, mo biaen, ridim Jud 9.] ?Be olsem wanem yumi save sua se Mikael i wan narafala nem blong Jisas?” Soem haf we i stat long pej 13.

Wekap! Eprel-Jun

“?Wanem tingting blong yu? ?Olsem wanem boe mo gel we tufala i stap fren, tufala i save hapi naoia mo afta we tufala i mared? [Letem man i ansa, mo ridim Ol Sam 1:1-3.] Magasin ya i tokbaot olsem wanem ol advaes blong Baebol oli save halpem yumi ya we yumi stap frenem wan boe no gel, blong yumi haremgud.” Soem haf we i stat long pej 14.

Wajtaoa Jun 1

“?Yu yu stap tingbaot from wanem God i letem man i safa? [Letem man i ansa.] Traem lukluk wanem we wan man blong raetem Baebol i talem long saed blong kwestin ya we plante man i askem. [Ridim Ol Sam 10:1.] Magasin ya i talemaot tingting blong Baebol long tufala kwestin ya: ?From wanem God i letem man i safa? ?Mo hem i mekem wanem blong givhan long olgeta?”

Wekap! Eprel-Jun

“Sam man oli ting se ‘Baebol i no save givhan long laef blong ol man tede.’ ?Wanem tingting blong yu? ?Yu tu, yu gat sem tingting olsem olgeta? [Letem man i ansa, mo biaen yu save ridim 2 Timoti 3:16, 17.]” Soem haf we i stat long pej 16.