?Yumi Tokbaot Wanem Long Ol Magasin?

Wajtaoa Februari 1

“Baebol i talem se God i givim janis long yumi blong kasem “laef we i no save finis.” ?Yu yu bilif long promes ya? [Letem man i ansa. Biaen, ridim Jon 6:40.] ?Wanem tingting i pulum hem blong givim janis ya long yumi?” Tokbaot haf we i stap long pej 25 blong magasin ya.

Wekap! Jenuware-Maj

“?Wanem tingting blong yu? ?Yumi save lavem wan man, we i enemi blong yumi?” [Letem man i ansa, mo biaen, ridim Matiu 5:44, 45.] Soem haf we i stap long pej 10 blong magasin ya, mo talem se: “Magasin ya i soemaot wanem fasin nao we ol Kristin oli mas mekem long ol enemi blong olgeta.”

Wajtaoa Maj 1

“Plante man tede oli bilif se taem oli ded, bambae oli go stap long heven. ?Olsem wanem long yu? ?Samtaem yu tu yu gat tingting olsem? [Letem man i ansa.] Makem wanem we Baebol i talem long saed blong blesing we bighaf blong ol gudfala man bambae oli kasem. [Ridim Ol Sam 37:29.] Magasin ya i soemaot klia, wanem we Baebol i talem long saed blong hu olgeta we bambae oli go long heven, mo bambae oli go long ples ya blong mekem wanem.”

Wekap! Jenuware-Maj

“Ating yu yu olsem plante man tede we oli rili laekem blong lukluk ol naesfala samting we oli stap raonabaot long yumi. ?Yu yu agri se ol naesfala samting ya, oli kamaot folem wan plan we i waes? [Letem man i ansa. Biaen, ridim Ol Sam 104:24, 25.] Magasin ya i tokbaot olsem wanem God i wokem ol samting long solwota folem wan gudfala plan, mo i tokbaot tu, olsem wanem ol samting ya oli save tijim yumi.” Soem haf we i stap long pej 15 blong magasin ya.