?Yumi Tokbaot Wanem Long Ol Magasin?

Wajtaoa Eprel 1

“Taem wan pikinini i ded, ol famle blong hem oli harem nogud tumas, mo ol fren blong olgeta oli traem blong mekem se oli harem gud bakegen long tingting blong olgeta. Samtaem oli talem se: ‘God i nidim wan narafala enjel long heven.’ ?Olsem wanem? ?Yu yu ting se tingting ya i stret? [Letem man i ansa.] Tingbaot tok ya we i pulum intres blong yumi. [Ridim Ol Sam 127:3.] Baebol i talem se ol pikinini oli ‘presen we Hae God i givim long yumi.’ ?Olsem wanem? ?I stret we Jeova, we i wan God we i gat lav, i tekembak wan presen we hem i givim finis long ol papa mama?” Soemaot haf we i stap long pej 23.

Wekap! Eprel-Jun

“Plante mared oli brok from we wan we i mared i no stap tru long hasban no waef blong hem. ?Yu yu ting se sipos ol hasban mo waef oli folem vas ya, hemia bambae i givhan long mared blong olgeta? [Ridim Matiu 5:28. Biaen, letem man i ansa.] Haf ya i yusum Baebol blong givhan long ol hasban mo waef blong oli ronwe long trap ya we oli no stap tru long hemia we oli mared wetem.” Soemaot haf we i stat long pej 16.

Wajtaoa Mei 1

“Mi wantem save tingting blong yu long tok ya we Jisas i talem. [Ridim Jon 3:3.] ?Long tingting blong yu, bon bakegen i minim wanem? [Letem man i ansa.] Sipos yumi kasem save long stret mining blong tok ya blong Jisas, samting ya bambae i gat paoa long laef blong yumi mo long strong tingting we yumi gat long saed blong fiuja. Magasin ya i eksplenem from wanem.”

Wekap! Eprel-Jun

“Plante man oli bilif we God i makemaot finis evri samting long laef blong yumi. ?Wanem tingting blong yu? [Letem man i ansa.] Folem vas ya, yumi save jusum fiuja blong yumi. [Ridim Dutronome 30:19.] Haf ya i tokbaot wanem samting we Baebol i talem long saed blong bilif ya se God i makemaot finis evri samting long laef blong ol man.” Soemaot haf we i stat long pej 28.