?Yumi Tokbaot Wanem Long Ol Magasin?

Wajtaoa Maj 1

“?Wanem tingting blong yu, yu ting se God i agri long evri skul? [Letem man i ansa.] Tingbaot samting we Jisas i talem long saed ya. [Ridim Matiu 15:8, 9.] Magasin ya i soem klia sipos God i agri long ol kaen wosip, no nogat.” Soemaot haf we i stap long pej 9.

Wekap! Jenuware-Maj

“?Yu yu bin makem se plante man tede oli talem se wan paoa we yumi no save luk, no Mama blong ol samting we oli stap raonabaot long yumi, hem nao i wokem olgeta samting? [Letem man i ansa.] Baebol i talemaot klia long yumi trufala God ya we i Wokem olgeta samting.” Ridim Revelesen 4:11. Yu save pulum tingting blong hem i go long wan poen long haf we i stat long pej 17.

Wajtaoa Eprel 1

“?Long tingting blong yu, evri samting long laef blong yumi i stap finis long wan plan? [Letem man i ansa.] Makem wanem Baebol i talem long saed ya. [Ridim Prija 9:11.] Magasin ya i eksplenem se God i talemaot we long fiuja, laef long wol ya bambae i gud tumas. Be hem i letem yumi wanwan i jusum wanem rod we yumi wantem folem long laef blong yumi.”

Wekap! Eprel-Jun

“I gat pruf we i soem se God i wokem evri samting long wol blong sapotem laef. ?Long tingting blong yu, ol samting ya oli kamaot olsem nomo, no yu bilif se i gat wan Man we i wokem olgeta? [Letem man i ansa.] Plante man oli agri wetem vas ya blong Baebol. [Ridim Ol Sam 104:24.] Magasin ya i givim ol save long saed blong saens mo Baebol, we oli pruvum se i gat wan Man we i Wokem olgeta samting ya.”