?Yumi Tokbaot Wanem Long Ol Magasin?

Wajtaoa Eprel 1

“?Plante man oli stap tingbaot, se Jisas hem i rili hu? ?Hem i kam long weples? ?Wanem tingting blong yu? [Letem man i ansa.] I impoten we yumi save trutok long saed blong hem. [Ridim Jon 17:3.] Magasin ya i soemaot ol samting we Jisas i tijim long saed blong hem wan.” Soem haf we i stat long pej 5.

Wekap! Eprel-Jun

“Bighaf blong ol man oli sapraes blong luk ol naes samting we oli stap raonabaot long olgeta. Ating yu tu yu sem mak. ?Yu yu agri se ol samting we oli stap raonabaot long yumi, oli soemaot se i mas gat wan Man we i waes i wokem plan blong olgeta? [Letem man i ansa. Biaen ridim Ol Sam 104:24.] Magasin ya i tokbaot wan samting we plan blong hem i nambawan. Mi mi ting se bambae yu intres blong ridim. Soem haf we i stat long pej 10.”

Wajtaoa Mei 1

“?Yu yu tingbaot Baebol olsem Tok blong God? ?No yu ting se hem i wan gudfala buk nomo olsem ol narafala buk? [Letem man i ansa.] Traem luk wanem we Baebol i talem. [Ridim 2 Timoti 3:16, 17.] Magasin ya i givim save blong halpem yu blong mekem desisen long saed blong kwestin ya, mo i tokbaot from wanem i impoten blong mekem desisen ya.”

Wekap! Eprel-Jun

“?Olsem wanem yumi save mekem se famle blong yumi i tinghae moa long ol samting we oli impoten long laef? ?Wanem tingting blong yu? [Letem man i ansa. Biaen ridim Dutronome 6:6, 7.] Magasin ya i soemaot olsem wanem ol papa mo mama oli save tekem janis blong tokbaot ol trutok blong Baebol long ol pikinini blong olgeta, taem oli stap kakae wan ples. Soem haf we i stat long pej 11.”