?Yumi Tokbaot Wanem Long Ol Magasin?

Wajtaoa Jun 1

“?Yu stap tingbaot olsem wanem yumi save blokem paoa blong ol rabis spirit mo stap glad? [Letem man i ansa.] Luk wanem we Baebol i talem. [Ridim Ol Proveb 18:10.]” Soem haf we i stat long pej 29.

Wekap! Eprel-Jun

“Sam man oli ting se fasin blong bonem dedbodi long faea i no givim ona long dedman mo long memori blong hem. ?Wanem tingting blong yu? [Letem man i ansa. Biaen, ridim Revelesen 20:13.] Vas ya i soemaot we God bambae i mekem plante man we oli ded finis oli laef bakegen. Nomata se ol man oli berem no bonem dedbodi, no bodi i lus long solwota, be i no strong long God ya we i gat olgeta paoa blong mekem olgeta oli laef bakegen.” Soem haf we i stat long pej 10.

Wajtaoa Julae 1

“Tede, yumi save faenem ol buk blong advaes long saed blong fasin blong lukaot gud long pikinini, long saed blong lav, mo olsem wanem laef blong yumi wanwan i save gat mining. ?Olsem wanem? ?Ol buk ya oli bin givhan long yu? [Letem man i ansa.] Plante man oli no tingbaot stamba buk blong kasem advaes we i rili save halpem olgeta. [Ridim 2 Timoti 3:16.] Magasin ya i eksplenem from wanem yumi save trastem Baebol, mo i talem sam long ol advaes ya we oli wokgud.”

Wekap! Julae-Septemba

“Yu save se ol man oli toktok plante long saed blong fasin blong kilim pikinini long bel, sipos fasin ya i stret no i no stret. Long tingting blong yu, ?Baebol i save halpem wan man blong mekem desisen long saed blong wanem samting we hem i mas mekem? [Letem man i ansa. Biaen, ridim 2 Timoti 3:16, 17.] Magasin ya i soemaot tingting blong Baebol long saed ya.”