?Yumi Tokbaot Wanem Long Ol Magasin?

Wajtaoa Julae 1

“Plante long yumi i bin harem nogud, taem wan man we yumi trastem hem, i lego yumi no i agensem yumi. Yumi fesem ol trabol olsem, long wol ya we man i no gat fasin ya blong stap tru long narafala. ?I gat wan man we yumi save trastem hem se, bambae hem i stap tru long yumi olwe? [Letem man i ansa, biaen yu save ridim Ol Sam 37:28.]” Yu save soem haf we i stat long pej 29.

Wekap! Julae-Septemba

“?I stret we ol man oli putumap ol woman blong oli kam pasta long jos? [Letem man i ansa.] Hemia samting we Baebol i talem long saed blong wan woman. [Ridim Rom 16:1.] Be wan narafala vas blong Baebol i talem se, ol woman oli mas stap kwaet insaed long kongregesen. Ale, ?wanem tingting blong Baebol? Magasin ya i eksplenem poen ya.” Yu save soem haf we i stat long pej 28.

Wajtaoa Ogis 1

“?Yu yu ting se Jisas i talemaot nem blong God long ol man? [Letem man i ansa mo ridim Jon 17:6.] Sipos i olsem, from wanem i gat plante man we oli no save nem blong God?” Yu save soem haf we i stat long pej 5.

Wekap! Julae-Septemba

“Long wan profet tok blong Jisas long saed blong en blong wol ya, hem i talem se, ‘olbaot long wol . . . bambae i gat ol strong sik.’ [Ridim Luk 21:11.] ?Yumi save mekem wanem blong sik ya flu i no kasem famle blong yumi?” Yu save soem haf we i stat long pej 13.