DVD Ya: The Bible—Accurate History, Reliable Prophecy
?Wanem i soemaot se ol stori blong bifo long Baebol oli tru? ?Wanem profet tok blong Baebol i kamtru finis, we i mekem tingting blong yumi i strong se ol narafala profet tok bambae oli kamtru yet? Ansa blong tufala kwestin ya i stap long DVD ya The Bible—Accurate History, Reliable Prophecy. Hemia namba tri haf long DVD ya The Bible—A Book of Fact and Prophecy. I gud yu lukluk DVD ya, mo biaen yu traem ansarem ol kwestin ya:
(1) ?Ol tok blong Baebol we yumi save trastem, i kamaot long hu? (Dan. 2:28) (2) ?Baebol i talem wanem stret save long saed blong Ijip bifo? ?Profet tok blong Aesea 19:3, 4 i kamtru olsem wanem? (3) ?Wanem samting we ol man blong digim graon oli faenem, we i pruvum se ol tok blong Baebol i tru long saed blong ol man Asiria, ol king blong olgeta, mo faet we i spolem Asiria? (Neham 3:1, 7, 13) (4) ?Wanem ol profet tok long saed blong Babilonia we oli kamtru olsem Baebol i talem? (Jer. 20:4; 50:38; 51:30) (5) ?Wanem profet tok long saed blong Media mo Pesia we i kamtru finis? (Aes. 44:28) (6) ?Ol tok long Daniel 7:6 mo 8:5, 8 long saed blong kantri blong Gris, i kamtru olsem wanem? (7) ?Ol tok blong Daniel 7:7 i kamtru olsem wanem, taem Rom i kam bigfala politik paoa blong wol? (8) ?Weswan long ol Sisa we Baebol i tokbaot? (9) ?Wanem i hapen long ol Kristin, taem Nero i stap rul? (10) ?Tufala profet tok blong Revelesen 13:11 mo 17:10, tufala i kamtru olsem wanem? (11) ?Hu ya namba eit king? (12) ?Wanem samting we DVD ya i soemaot, we i pruvum se ol tok blong Prija 8:9 i tru? (13) ?Yu yu wantem tumas blong luk wanem profet tok i kamtru? (14) ?Long wanem fasin yu yu save yusum DVD ya, blong pruvum long ol man se Baebol i kamaot long God?