Ol Fastok

Blong Statem Ol Baebol Stadi Long Fas Sarede Blong Manis Disemba

“?Yu yu ting se ol man we oli traehad blong obei long God, oli glad moa? [Yu letem man i ansa.] Magasin ya i tokbaot sam poen we oli pulum tingting blong yumi.” Yu givim Wajtaoa blong Disemba 1 long man we yu prij long hem, mo yutufala i ridim mo tokbaot ol save we i stap aninit long wan long ol smol stamba tok long pej 30 mo 31. Yu ridim wan long ol vas we oli stap. Yu askem long hem sipos hem i wantem tekem magasin ya, mo yu mekem plan blong kambak blong tokbaot ansa blong nekis kwestin.

Wajtaoa Disemba 1

“Samfala oli ting se tok we Baebol i talem long fasin blong man wetem woman, hem i blong ol man long taem bifo nomo. Mo oli talem se Baebol i putum tumas tabu long saed ya. Sam narafala oli agri wetem samting we Baebol i talem. ?Wanem tingting blong yu? [Yu letem man i ansa.] Vas ya i tokbaot se hu i stamba blong ol loa we oli stap long Baebol. [Yu ridim 2 Timoti 3:16.] Magasin ya i soemaot ansa we Baebol i givim long ten kwestin we plante man oli stap askem, long saed blong fasin blong man wetem woman. Mo hem i eksplenem tu se ol loa blong Baebol oli save givhan long yumi olsem wanem.”

Wekap! Oktoba-Disemba

“Yumi evriwan i wantem gat wan famle we i hapi. ?Yu yu agri? [Yu letem man i ansa.] Baebol i tokbaot wan samting we evriwan long famle oli save mekem, blong famle i hapi: Oli mas folem fasin blong God blong lavem ol man.” Yu ridim Efesas 5:1, 2 mo yu tokbaot magasin ya.