DVD Ya Jehovah’s Witnesses​—Faith in Action, Part 1: Out of Darkness

Baebol i talem se trutok i olsem laet mo giaman tok i olsem tudak. (Sam 43:3; Aes. 5:20) Setan i mekem tudak i kam long wol taem hem i giaman long Iv. Sloslo, hem i mekem se tudak ya i kavremap olgeta man. (Rev. 12:9) DVD ya Jehovah’s Witnesses—Faith in Action, Part 1: Out of Darkness i soemaot samting we i mekem laet blong trutok i saen long medel blong tudak ya. (Aes. 60:1, 2) I gud yu lukluk DVD ya, nao yu traem ansa long ol kwestin ya.

(1) Taem ol aposol oli ded, ?olsem wanem tudak i kavremap ol man? (2) ?Afta long yia 1100, wanem i mekem ol man oli luksave se ol skul oli lusum rod? (3) ?Hu ya Henry Grew mo George Storrs? (4) Tokbaot sam samting long laef blong Charles Russell we oli gat bigfala paoa long hem. (5) ?Grup blong Brata Russell, papa blong hem, mo sam fren blong tufala, oli mekem Baebol stadi olsem wanem? ?Oli lanem wanem? (6) ?From wanem grup blong Brata Russell i joen wetem grup blong Nelson Barbour? ?Be wanem i mekem se Brata Russell i kamaot bakegen? (7) ?Wanem i hapen long Julae 1879, we i mekem laet i saenaot moa? (8) ?Ol Baebol Studen oli talemaot gud nius olsem wanem? (9) ?Ol Baebol Studen oli ting se wanem bambae i hapen long yia 1914? (10) Taem Brata Russell i ded, ?wanem hadtaem we ol Baebol Studen oli fesem? (11) Taem Brata Rutherford mo ol fren blong hem oli kamaot long kalabus, ?ol Baebol Studen oli mekem wanem? (12) ?Afta we yu luk DVD ya, wanem tingting blong yu long ogenaesesen blong Jehova? (13) ?Wanem samting long DVD ya we i mekem tingting blong yu i strong moa blong prij, nating se yu kasem trabol? (14) ?Yumi save yusum DVD ya olsem wanem blong givhan long ol famle, ol Baebol stadi, mo ol narafala man?

!Ol Baebol Studen ya oli givim wan presen long yumi we i nambawan tumas! Long wol ya we i tudak olgeta, oli no fraet blong mekem laet blong trutok i saenaot. I gud yumi folem fasin blong olgeta, mo yumi “holem fasin blong man blong delaet.”—Efes. 5:8.