DVD Ya: Jehovah’s Witnesses—Faith in Action, Part 2: Let the Light Shine
Long yia 1919, Brata Rutherford mo ol fren blong hem oli kamaot long kalabus. I gat wan bigfala wok i stap we ol Baebol Studen oli mas mekem. DVD ya: Jehovah’s Witnesses—Faith in Action, Part 2: Let the Light Shine i tokbaot taem ya. Plante man oli agensem ol Baebol Studen. Be save we oli gat long Baebol i kam bigwan, mo plante samting we i traem bilif blong olgeta i mekem se oli kam klin moa long fes blong Jehova. (Prov. 4:18; Mal. 3:1-3; Jon 15:20) I gud yu lukluk DVD ya, mo biaen yu traem ansa long ol kwestin ya.
(1) ?Ol Baebol Studen oli yusum wanem rod blong talemaot gud nius? (2) Long tufala impoten asembli long yia 1931 mo 1935, ?oli talemaot wanem? (3) ?Wajtaoa blong Novemba 1, 1939, i tokbaot wanem impoten save? (4) ?Wanem i hapen taem Brata Rutherford i stap givim tok ya ‘Gavman Mo Pis’? (5) ?Wanem bigfala tingting long tok blong Brata Knorr, ‘?Pis i Save Stap Longtaem?’? (6) ?Long yia 1942, ol Witnes oli mekem wanem plan blong wok blong prij i kam bigwan moa? (7) Yu tokbaot sam kot kes long Amerika, Kanada, mo Gris. (8) ?Skul blong Gilead i givhan olsem wanem long wok blong prij? (9) ?Wanem bigfala wok i stat long yia 1946? ?From wanem? (10) ?Ol Witnes oli jenisim wanem samting blong mekem fasin blong olgeta i laenap moa wetem Baebol? (11) ?Wanem jenis we ogenaesesen i mekem long ol yia 1970 blong folem moa ol tok blong Baebol? (12) ?Wanem samting long DVD ya we i mekem yu yu luksave se Jehova i stap lidim ogenaesesen blong hem? (13) ?Wanem samting long DVD ya we i mekem tingting blong yu i strong blong gohed blong prij long taem blong trabol? (14) ?Yumi save yusum DVD ya olsem wanem blong givhan long ol famle, ol Baebol stadi, mo ol narafala man?
Stori blong ol Witnes blong Jehova, stat long taem bifo kam kasem naoia, i olsem wan buk we yumi save ridim. Evri dei sam samting i hapen we yumi save raetem long buk ya. Long ol yia we i kam, ?ol man bambae oli ridim wanem stori blong wok blong yumi tede? Ol brata long taem bifo oli wok wetem strong tingting blong mekem ‘laet i saenaot.’ Yumi mas mekem sem mak.—2 Kor. 4:6.