Ol Fastok

Blong Statem Ol Baebol Stadi Long Fas Sarede Blong Manis Jun

“Ol skul oli mas mekem se ol man oli lavlavem olgeta mo oli gat pis. Be plante man oli luk se ol skul oli mekem ol man oli seraot mo oli faet. ?Wanem tingting blong yu? [Yu wet long ansa.] I gat wan samting we mi wantem soem long yu.” Yu givim Wajtaoa blong Jun 1 long man ya, mo yu tokbaot ol save we i stap long fas smol stamba tok long pej 26. Yu save ridim wan vas we i stap. Yu askem long hem blong i ridim Wajtaoa ya, mo yu mekem plan blong kambak mo tokbaot nekis kwestin.

Wajtaoa Jun 1

“Plante man oli ting se i gud we ol skul oli joen long politik. Be sam narafala oli ting se skul i no mas joen long politik. ?Wanem tingting blong yu? [Yu wet long ansa.] Yu traem luk wanem we Jisas i mekem taem ol man oli wantem we hem i joen long politik. [Yu ridim Jon 6:15.] Wajtaoa ya i tokbaot from wanem Jisas i mekem olsem. Mo hem i talem rod we i beswan blong ol Kristin oli givhan long ol man long ples blong olgeta.”

Wekap! Eprel-Jun

“Ol man long olgeta skul oli stap prea. ?Yu ting se God i stap harem ol prea mo i ansa long olgeta? [Yu wet long ansa.] Baebol i talem se yumi mas prea. [Yu ridim Filipae 4:6, 7.] Wekap! ya i tokbaot samting we Baebol i talem long saed ya.” Yu soem ol save long pej 12.