Ol Fastok

Blong Statem Baebol Stadi Long Fas Sarede Blong Manis Mei

“Plante Kristin oli ting se i stret blong baptaes. ?Wanem tingting blong yu? ?Baptaes i impoten? [Yu wet long ansa.] Wajtaoa ya i tokbaot baptaes blong ol Kristin.” Yu givim Wajtaoa blong Mei 1 long man ya, mo yu tokbaot ol save we i stap long fas smol stamba tok long pej 24. Yu save soem wan vas we i stap. Yu askem long hem blong i ridim Wajtaoa ya, mo yu mekem plan blong kambak mo tokbaot nekis kwestin.

Wajtaoa Mei 1

“Plante man oli gat defdefren tingting long Jisas. Samfala oli ting se hem i God. Samfala oli ting se hem i Pikinini blong God. ?Wanem tingting blong yu? [Yu wet long ansa.] Baebol i talem from wanem i impoten blong save samting we i tru long saed blong Jisas. [Yu ridim Jon 17:3.] Yu save ridim ol tok blong Baebol long Wajtaoa ya blong faenem ansa long sam kwestin.” Yu openem Wajtaoa long pej 5, mo yu soem ol save aninit long kwestin ya, “?Jisas hem i God?”

Wekap! Eprel-Jun

“Yumi evriwan i sinman, taswe samtaem yumi raorao. ?Yumi save mekem wanem blong gat pis wetem narafala? [Yu wet long ansa.] I gud yumi ridim wanem we Baebol i talem blong tokbaot God. [Yu ridim fas haf blong Hibrus 13:20.] God we i stamba blong pis i wantem se ol pikinini blong hem long wol oli gat pis. ?Samting ya i save kamtru?” Yu soem pej 10 mo 11 long Wekap!