Yu Givhan Long Olgeta Blong ‘Bilif Blong Olgeta i Kam Strong Moa’

Yumi glad se evri yia, i gat bitim 250,000 man oli baptaes. Hemia i soemaot se Jehova stap blesem ol man blong hem. (Dut. 28:2) Taem wan Baebol stadi i baptaes, maet pablisa i ting se bambae hem i stopem stadi blong tufala, blong hem i save givhan long ol narafala Baebol stadi. Mo tu, maet Baebol stadi ya i ting se i gud hem stopem stadi blong hem, blong hem i save joen moa long wok blong prij. Be, i impoten we Baebol stadi ya i gat wan gudfala fandesen long trutok. Hem i mas holemstrong long Kraes olsem “rus” blong tri i holemtaet graon, mo ‘bilif blong hem i mas kam strong moa oltaem.’ (Kol. 2:6, 7; 2 Tim. 3:12) Taswe, afta we Baebol stadi i baptaes, hem i mas gohed blong stadi, kasem taem we hem i finisim tufala buk ya, Baebol Tijim mo ‘Stap Long Laef Ya We God i Lavem Yu.’—Lukluk Kingdom Wok Blong Yumi blong Eprel 2011, pej 2.