Ol Fastok

?Weples Yu Save Faenem Ansa Blong Ol Impoten Kwestin?

Yu talem halo long man mo yu soemaot traket ya blong hem i save luk stamba tok mo yu talem long hem se: “Mifala i mekem wan spesel wok long fulwol blong seremaot wan impoten mesej. Hemia blong yu.”

Sipos yu lego wan traket long wan haos we man blong hem i no stap, i gud we yu no benem, mo yu putum long wan ples we narafala man i no save luk.

Sipos man we i karem traket i glad blong storian moa, yu askem kwestin we i stap long fored blong traket ya, mo yu letem hem i talemaot tingting blong hem. Biaen yu openem traket ya mo yu tokbaot samting we Ol Sam 119:144, 160 i talem. Yu eksplenem se traket ya i tokbaot wan Websaet we i save givhan long hem blong i faenem ansa blong ol kwestin blong hem long Baebol. Sipos hem i no bisi, maet yu save plei video ya, ?From Wanem Yu Mas Stadi Baebol? blong hem i save lukluk. Bifo yu aot, yu soem trifala kwestin biaen long traket ya, mo yu askem long hem, weswan kwestin we hem i wantem save ansa blong hem. Yu mekem plan blong kambak mo soemaot olsem wanem blong faenem ansa blong hem long jw.org. Taem yu kambak, yutufala i go long BIBLE TEACHINGS > BIBLE QUESTIONS ANSWERED, mo yutufala i tokbaot ansa blong hem.

Sipos long taem ya tu yu stap seremaot pepa blong singaot man i kam long bigfala asembli, i gud yu givim tufala wantaem, mo yu talem long hem se, “Mo mifala i wantem singaot yu tu blong yu kam long bigfala asembli blong mifala. Yu no pem blong kam, i fri nomo.”

Wajtaoa Julae–Septemba

“Smok blong sigaret i stap kilim 6,000,000 man evri yia. ?Wanem i save mekem se problem ya i godaon? [Yu letem man i ansa.] Plante man oli lego smok, taem oli faenemaot tingting blong God. Wan eksampol. I gat wan vas blong Baebol we i givhan long plante man blong tingbaot se fasin blong smok i save spolem narafala man. [Yu ridim 1 Korin 10:24.] Magasin ya i tokbaot sam man we oli lego smok taem oli faenemaot tingting blong God.” Stori ya i stap long pej 12.

Wekap! Julae–Septemba

“Mifala i luk se tede i gat wan trabol we i stap kam antap bigwan. Sam man oli harem nogud tumas, from oli no naf blong winim trabol blong olgeta, nao oli wantem kilim olgeta i ded. ?Yu ting se hem i rili wantem ded, no hem i wantem nomo se trabol blong hem i finis? [Yu letem man i ansa.] I gat wan promes long Baebol we i givhan long plante man blong oli gat stret tingting. [Yu ridim Revelesen 21:3, 4.] Magasin ya i tokbaot tri gudfala risen blong wan man i stap laef nating se hem i gat trabol.”