Yusum Niufala Traket We i Tokbaot Websaet

Nem blong traket ya, ?Weples Yu Save Faenem Ansa Blong Ol Impoten Kwestin? Biaen long hem, i gat tri impoten kwestin. Taem i gat janis, yumi askem long man blong i talem, wanem kwestin we hem i wantem save ansa blong hem. Mo yumi pulum hem i go long Websaet. Yumi go long BIBLE TEACHINGS > BIBLE QUESTIONS ANSWERED, blong faenem ansa blong kwestin ya. Long ples ya tu, hem i save faenem ansa blong sam kwestin olsem: ?Kingdom blong God hem i wanem? ?Kingdom blong God bambae i mekem wanem?

I gud yumi karem traket ya oltaem, blong yumi givhan long man blong i luk ol blesing we Baebol i talem se, Kingdom blong God bambae i mekem long fiuja.