Wan Websaet We i Spesel

OLGETA WE OLI MARED

“Mi mi wantem se famle blong mi i hapi. Mi mo woman blong mi, mitufala i gat sam problem long mared blong mitufala, mo ol problem ya oli kam bigwan moa taem mitufala i gat pikinini. Mitufala i nidim sam advaes”

BAEBOL I TALEM SE:

“Prapa fandesen blong man i wokem haos blong hem long hem, waes mo save.” —Ol Proveb 24:3.

OL GUDFALA SAMTING LONG WEBSAET

Haf ya “Olgeta We Oli Mared Mo Ol Papa Mo Mama,” i save givhan long yu blong yu winim sam samting we oli no isi, olsem:

• Ol problem long fas yia blong mared

• Problem blong joen gud wetem palika

• Problem blong stretem pikinini

• Ol raorao

• Problem blong mane

(Yu luk long BIBLE TEACHINGS > COUPLES & PARENTS)

Spesel Rod Blong Mekem Famle i Hapi i wan buk we i tokbaot famle, stat long taem we wan yangfala boe mo gel tufala i rerem mared blong tufala, i go kasem taem we tufala i mas lukaot long olfala papa mo mama blong tufala.

(Buk ya i stap tu long Websaet ya www.jw.org/bi. Yu luk long OL BUK > OL BUK & BUKLET)

OL PAPA MO MAMA

“Ol pikinini blong mi oli impoten tumas long mi. Mi wantem se oli kam ol bigman we mi save praod long olgeta”

BAEBOL I TALEM SE:

“Sipos yu tijimgud pikinini blong yu long fasin we i stret blong hem i folem, taem hem i kam bigman, bambae i no save gowe long hem.”—Ol Proveb 22:6.

OL GUDFALA SAMTING LONG WEBSAET

Long haf ya “Ol Pikinini,” i gat ol pija blong ol Baebol stori we oli droem, mo ol pija we oli pulum ol pikinini blong oli mekem sam samting we i save tijim olgeta. Mo tu, i gat ol video mo ol lesen blong Baebol. Yu save yusum ol samting ya blong tijim pikinini blong yu blong hem i:

• obei

• soemaot kaen fasin

• laekem ol brata mo sista blong hem

• talem “tangkiu”

(Yu luk long OL BAEBOL TIJING > OL PIKININI)

Tufala buk ya, Buk Blong Ol Baebol Stori mo Learn From the Great Teacher (Franis mo Inglis), tufala i gat ol naesfala pija. Oli wokem blong yu ridim wetem pikinini blong yu.

(Tufala buk ya i stap tu long Websaet ya www.jw.org/bi. Yu luk long OL BUK > OL BUK & BUKLET)

OL YANGFALA

“Mi mi nidim sam advaes, blong mi save winim sam problem we oli joen wetem edukesen, papa mo mama, ol fren, mo ol gel. Mi no wantem se man i talem long mi samting we mi mas mekem, from mi mi no wan pikinini”

BAEBOL I TALEM SE:

“Ol yangfala, naoia we yufala i yangfala yet, i gud yufala i stap mekem ol fasin we yufala i save harem gud long hem.”—Prija 11:9.

OL GUDFALA SAMTING LONG WEBSAET

Long haf ya “Ol Yangfala,” i gat ol save mo ol video we oli save givhan long yu sipos  . . .

• yu no gat fren

• yu gat problem long skul

• yu brekem wan rul we papa mo mama i putum

• ol pikinini long skul oli stap kilim yu, no oli stap talem ol rabis tok blong pulum yu blong slip wetem olgeta

(Yu luk long OL BAEBOL TIJIJNG > OL YANGFALA)

Tufala buk ya Questions Young People Ask—Answers That Work, Volume 1 mo Volume 2 (Franis mo Inglis), i tokbaot ol impoten kwestin we ol yangfala oli stap askem.

(Tufala buk ya i stap tu long Websaet ya www.jw.org/bi. Yu luk long OL BUK > OL BUK & BUKLET)

OLGETA WE OLI WANTEM KASEM SAVE LONG BAEBOL

“Mi mi wantem kasem save long Baebol. ?Be mi mas mekem wanem?”

BAEBOL I TALEM SE:

“Olgeta tok blong Baebol oli kamaot long God fastaem. Hem i putum long tingting blong ol man ya bifo, nao oli raetem long buk. Ol tok ya i stret gud blong tijim yumi long ol trutok.” —2 Timoti 3:16.

OL GUDFALA SAMTING LONG WEBSAET

Baebol ya New World Translation of the Holy Scriptures, i stret gud mo i isi blong man i ridim.

(Yu luk long OL BUK > BAEBOL)

Long haf ya “Baebol i Ansa,” i gat ol klia ansa long ol kwestin olsem, “?God nao i stap mekem ol man oli safa?” mo “?Wanem i hapen long yumi taem yumi ded?”

(Yu luk long OL BAEBOL TIJING > BAEBOL I ANSA)

Yu save stadi Baebol fri nomo, sipos yu go long pej we i gat toktok ya “Askem Fri Baebol Stadi.”

(Yu klik long tok ya “Askem Baebol Stadi” we i stap long fas pej)

“Mi no moa ridim Baebol from we mi no kasem save long hem. Be taem mi yusum buk ya ‘?Wanem Samting We Baebol i Rili Tijim?’, mi sapraes blong luk se Baebol i klia mo i isi nomo blong man i kasem save long hem.”—Christina.