Taem Yumi Prij, ?Olsem Wanem Yumi Luksave Se Taem i Sot?

Oltaem yumi mas tingbaot se taem i sot tumas, mo i impoten we yumi holemtaet tingting ya, from we yumi stap klosap tumas long en blong rabis wol ya. I gud yumi tingbaot bakegen ol poen ya, blong mekem se yumi save gat strong tingting se taem i sot tumas.

• Prea oltaem from Kingdom Blong God. —Mat. 6:10.

• Taem yu ridim Baebol evri dei, hemia i save protektem hat blong yu.—Hib. 3:12.

• Yusum taem blong yu long waes fasin. —Efes. 5:15, 16; Fil. 1:10.

• Yu mekem ‘ae blong yu i klia gud.’ Yu no letem ol samting blong wol ya, oli pulum ae blong yu.—Mat. 6:22, 25; 2 Tim. 4:10.

• Yu mas lukaot gud mo yu mas wekap gud, taem yu luk ol profet tok blong Baebol oli stap kamtru.—Mak 13:35-37.

Taem yumi gat tingting ya se taem i sot, hemia bambae i pusum yumi blong wantem joen fulwan long wok blong kingdom we i stap gohed yet long fulwol.—Jon 4:34, 35