?From Wanem i Gud Blong Aot Kwik?

Yumi glad blong joen wetem ol brata mo sista long miting blong prij, mo yumi wantem tumas blong storian wetem olgeta. Be i gud yumi aot kwik blong go long teritori. I no gat plante taem i stap blong mekem wok blong prij. (2 Tim. 4:2) Sipos yumi stap storian afta long miting blong prij, yumi westem taem we yumi save yusum blong prij. Yumi save storian wetem ol brata mo sista taem yumi prij wetem olgeta. Taem yumi aot kwik blong go prij, yumi soemaot se yumi no stap les, be yumi wok had blong Jehova mo Pikinini blong hem.—Rom 12:11.