Yusum jw.org Long Wok Blong Prij​—“Become Jehovah’s Friend”

Long Websaet ya jw.org, long ples ya “Bible Teachings,” i gat wan haf we i blong ol pikinini, nem blong hem “Become Jehovah’s Friend.” Long haf ya, i gat ol singsing, ol sot video, mo sam narafala samting. ?Olsem wanem? ?Yu stap yusum ol samting ya long wok blong prij? Sipos yu mekem stadi wetem wan papa no mama we pikinini blong hem i smol, i gud yu soem long hem. Samting ya i save mekem se hem i wantem lukluk sam narafala samting long Websaet blong yumi.

Wan brata i givim Kingdom Nius namba 38 long wan woman long wok blong prij. Wantaem nomo, woman ya i stat blong ridim, mo ol smosmol pikinini blong hem tu oli wantem save wanem i stap long traket ya. Brata ya i tokbaot smol, mo i soem las pej we i tokbaot Websaet. Famle ya i intres, nao brata i tekemaot mobaelfon blong hem, mo i soem wan sot video blong Keleb.

Wan sista i tokbaot Websaet ya jw.org long woman we i wok wetem hem, mo i talem ol haf we oli givhan long famle. Ale woman ya mo ol pikinini blong hem oli lukluk Websaet ya. Biaen, hem i talem long sista ya se ol pikinini blong hem oli laekem tumas sing ya “Yumi Prij” long haf ya “Become Jehovah’s Friend,” mo oli stap singsing long hem oltaem.

I gud yu traem save ol samting we i stap long haf ya “Become Jehovah’s Friend,” mo yu daonlodem wan sot video no singsing no wan narafala samting, long mobaelfon blong yu. Nao bambae yu rere blong yusum long wok blong prij. !Hemia wan nambawan tul blong givhan long yumi blong mekem wok blong Masta!—Wok 20:19.