Yu Mas Strong Blong Pulum Narafala Blong i Mekem Gudfala Wok

Hibrus 10:24 i talem se yumi mas ‘tingbaot yumi, blong yumi givgivhan long yumi blong mekem yumi strong blong lavem ol man, mo blong mekem ol gudfala wok.’ Fasin blong yumi mo bilif blong yumi i save pulum ol brata mo sista blong oli mekem olsem. Taswe i gud yu tokbaot ol ekspiriens blong yu long ol narafala long kongregesen. Olgeta oli mas luk se yu glad taem yu mekem wok blong Jehova. Mo yu no mas skelem wok blong olgeta wetem wok blong yu mo wok blong ol narafala. (Gal. 6:4) Yu no mas mekem oli sem blong mekem ol gudfala wok. Be yu mas traehad blong pulum olgeta blong oli ‘lavem ol man mo blong mekem ol gudfala wok.’ (Yu luk buk blong Tiokratik Skul, pej 158 haf 4.) Sipos yumi pulum ol narafala blong oli strong blong lavem ol man, bambae oli wantem mekem ol gudfala wok. Bambae oli wantem givhan long ol narafala long saed blong bodi mo long wok blong prij.—2 Kor. 1:24.