Kamgud Moa Long Wok Blong Prij—Rod Magasin

?From Wanem i Impoten?: Plante man oli no wantem stadi Baebol wetem yumi, be oli laekem blong ridim ol magasin blong yumi. Maet from we oli laekem skul blong olgeta, no maet from we oli harem se oli no gat taem blong stadi. Be taem oli gohed blong ridim ol magasin blong yumi, hemia bambae i pulum olgeta blong oli wantem tumas Tok blong God. (1 Pita 2:2) Maet wan haf long magasin i pulum tingting blong olgeta, no maet laef blong olgeta i jenis. Sipos yumi go oltaem blong visitim olgeta mo yumi tekem smoltaem blong storian, bambae oli laekem storian wetem yumi. Mo hemia i givhan long yumi tu blong yumi save ol samting we oli intres long hem mo oli stap tingbaot. Nao sloslo, maet yumi save statem Baebol stadi.