Yu Yusum Baebol Blong i Gat Paoa Long Tingting Blong Man
Taem wan man i glad blong lesin long gud nius, i gud we yumi tekem janis ya, blong yusum Baebol blong i gat paoa long tingting blong hem, taem yumi ridim vas stret long Baebol. Eria elda i makemgud poen ya long tok we hem i givim, long asembli blong wan dei long las yia. Stamba blong tok ya i talem se: “Yu Yusum Baebol Blong i Gat Paoa Long Tingting Blong Man.” ?Yu yu tingbaot ol bigfala poen blong tok ya?
?From wanem ol tok blong Jehova oli gat moa paoa i bitim ol tok blong yumi?—2 Tim. 3:16, 17.
?Olsem wanem Baebol i pulum ol tingting blong yumi, i stretem mo i jenisim ol tingting blong yumi, mo i lidim laef blong yumi?—Yu luk Wajtaoa, blong 1 Jun 2012, pej 30 haf 7.
Taem yumi ridim wan vas blong Baebol long wan man long wok blong prij, ?olsem wanem yumi save pulum tingting blong man blong i gat respek long Tok blong God?—Yu luk buk ya, Tiokratik Skul pej 148, haf 3-4 mo Kingdom Wok blong Maj 2013, pej 8 haf 8.
Taem yumi ridim wan vas blong Baebol long wan man, ?from wanem i impoten we yumi eksplenem mo yumi pulum man ya blong tingting gud long vas ya? ?Olsem wanem yumi save mekem samting ya?—Ol Wok 17:2, 3; yu luk buk ya, Tiokratik Skul pej 154, haf 4 kasem pej 156 haf 5.