?Yu Yu Stap Yusum JW Library?

JW Library i wan fri app (software application) we yu save yusum blong daonlodem Baebol mo plante narafala buk, video, mo rikoding, long mobaelfon, tablet, mo kompiuta blong yu.

OLSEM WANEM BLONG KASEM: Yu go long wan app stoa long Intenet, mo yu putum JW Library long mobaelfon, tablet, no kompiuta blong yu. App ya i save wok long ol defdefren mobaelfon, tablet, mo kompiuta. Taem yu stap yet long Intenet, yu openem JW Library mo yu jusum ol samting we yu wantem daonlodem. Sipos yu no gat Intenet long haos, maet yu save yusum long Haos Kingdom, wan laebri long taon, no long wan ples we i gat fri Intenet long taon, olsem ples blong dring kofe. Taem yu daonlodem ol buk finis, yu no moa nidim Intenet blong ridim olgeta. Be i gud yu go long Intenet sam samtaem blong apdet, from we i gat ol niufala samting i stap kamaot oltaem long JW Library.

?FROM WANEM YU MAS GAT? JW Library i mekem i isi moa blong yu stadi yu wan, mo blong yu folem ol haf blong miting. I gud yu yusum long wok blong prij tu. Samfala oli luk se i gud tumas blong yusum JW Library, taem oli tekem janis blong prij.