Ol Rod Blong Yusum JW Library

BLONG STADI:

• Yu ridim Baebol mo vas blong dei

• Yu ridim Yearbook, ol magasin, mo ol narafala buk. Yu yusum bukmak blong makem ples we yu finis long hem

• Yu rerem ol miting, mo yu makem ol ansa

• Yu lukluk ol video

LONG MITING:

• Yu ridim ol vas we oli kamaot long ol tok. Yu yusum “Luk Finis” blong gobak long wan vas we yu ridim finis

• I moagud yu yusum mobaelfon no tablet blong yu blong folem ol haf blong miting mo singsing, i bitim we yu karem plante buk i kam long miting. Long JW Library, i gat ol niufala singsing we oli no stap yet long singbuk

LONG WOK BLONG PRIJ:

• Yu soem wan samting long JW Library long man we i intres, mo yu givhan long hem blong i daonlodem JW Library mo sam buk, long mobaelfon blong hem

• Yu yusum “Lukaotem” blong faenem vas. Sipos sam wod oli no moa stap long niufala New World Translation, yu go long Reference Bible mo yu lukaotem bakegen

• Yu plei wan video. Sipos i gat pikinini, yu save plei wan long ol video ya Kam Fren Blong Jehova. Sipos no, yu plei video ya ?From Wanem Yu Mas Stadi Baebol? blong pulum man blong i stadi Baebol. Sipos wan man i toktok narafala lanwis, yu plei wan video long lanwis blong hem

• Yu soem vas long man we i toktok narafala lanwis, long wan Baebol we yu daonlodem finis. Blong soemaot wan vas long ol narafala Baebol, yu jes tajem namba blong vas