Olsem Wanem Blong Yusum Buklet Ya, Listen to God

Oli wokem buklet ya Listen to God blong tijim ol stamba trutok blong Baebol, long olgeta we oli no save rid gud. Ol wanwan lesen blong buklet ya i stap long tu pej. I gat ol ara we oli lidim yu blong tokbaot ol pija.

Ol pija long buklet ya Yu Mas Lesin Long God Nao Bambae Yu Laef Olwe, i sem mak wetem ol pija long buklet ya Listen to God. Be buklet ya Yu Mas Lesin Long God Nao Bambae Yu Laef Olwe, i gat plante moa toktok. Buklet ya i blong mekem stadi wetem olgeta we oli save rid smol. Plante taem ol pablisa oli yusum buklet ya, mo ol Baebol studen oli yusum buklet ya Listen to God. Plante pej blong buklet ya Yu Mas Lesin Long God Nao Bambae Yu Laef Olwe, i gat wan bokis we i gat sam moa save i stap long hem. Yu save yusum ol save ya sipos yu luk se i stret.

Yu save seremaot wan long tufala buklet ya long wok blong prij, nating se i no manis blong seremaot. Taem yu mekem Baebol stadi, yu yusum ol pija blong eksplenem ol samting we Baebol i tijim. Yu askem kwestin long studen blong mekem se hem tu i joen long storian, mo blong luk sipos hem i kasemsave samting we yu stap tokbaot. Yu ridim mo tokbaot ol vas we oli stap daon long ol wanwan pej. Taem studen i finisim buklet ya, yu save mekem stadi blong hem wetem buk ya ?Wanem Samting We Baebol i Rili Tijim? o ?Baebol i Tijim Wanem? blong givhan long hem blong i gohed kasem we i baptaes.