Yu Welkamem Gud Olgeta

?Yumi mas welkamem gud hu? Eniman we i kam long ol Kristin miting, hemia olgeta we oli neva kam long miting mo olgeta we oli stap kam oltaem. (Ro 15:7; Hib 13:2) Maet hem i wan brata o sista we i kam long nara kantri blong visit, o wan Kristin we i no moa gohed gud blong plante yia mo i stat blong kambak long ol miting. Yu traem tingbaot sipos yu yu wan man olsem. Ating bambae yu harem gud taem ol brata mo sista oli welkamem gud yu. (Mt 7:12) Taswe, i gud yu traehad blong mitim olgeta we oli kam long Haos Kingdom, bifo mo afta long miting. Hemia bambae i mekem se evriwan oli glad mo yumi stap leftemap nem blong Jehova. (Mt 5:16) I tru, maet yumi no save toktok long evriwan we oli kam long miting. Be sipos yumi traehad blong welkamem olgeta we oli kam, bambae evriwan oli harem gud blong joen tugeta long miting.a

Yumi mas soemaot oltaem se yumi kaengud long ol man, be i no long ol spesel taem nomo olsem long Memoriol. Taem ol niuwan oli luk we yumi soemaot lav, hemia bambae i pulum olgeta blong oli joen wetem yumi blong presem mo wosipim Jehova.—Jon 13:35.