Traem Kamgud Moa​—Mekem Visit Bakegen

?FROM WANEM I IMPOTEN?: Plante man we oli soem intres long mesej blong kingdom, oli stap lukaotem trutok long saed blong God. (Aes 55:6) Blong gohed blong tijim olgeta, yumi mas visitim olgeta bakegen mo bakegen. Ol man oli fesem ol defdefren trabol, taswe fasin blong yumi blong mekem visit bakegen i mas defren tu. Be bae yumi givhan long olgeta sipos, yumi reregud fastaem, tingbaot wanem we bae yumi talem long olgeta, mo yumi traem kasem mak ya blong statem wan Baebol stadi.

?YU MEKEM OLSEM WANEM?:

• Gobak bakegen kwiktaem, maet wan o tu dei biaen.—Mt 13:19

• Fren gud wetem man mo respektem hem. Yu no mas fraet blong toktok

• Fastaem yu talem halo wetem kaen fasin. Singaot man long nem blong hem. Mo talem bakegen from wanem yu gobak luk hem. Maet blong ansa long wan kwestin, givim niufala magasin, soem websaet blong yumi, soem wan video, o soem olsem wanem blong mekem wan Baebol stadi. Yu jenisim toktok blong yu, sipos hem i tokbaot wan nara samting.—Fil 2:4

• Tokbaot wan advaes blong Baebol mo maet lego wan buk wetem hem. Long rod ya, i olsem se yu stap wotarem sid blong trutok we i stap finis long hat blong man. (1Ko 3:6) Mekem se fasin fren blong yutufala i kam strong moa

• Mekem rod blong gobak visitim hem bakegen