Kamgud Moa Long Wok Blong Prij—Yu Stanemap Wan Kwestin Mo Mekem Plan Blong Gobak

?From Wanem i Impoten?: Taem yumi faenem wan man we i intres, yumi wantem gobak blong luk hem. Olsem nao, yumi save putum wota long sid blong trutok we yumi planem. (1 Kor. 3:6) Blong mekem olsem, bifo we yumi aot long haos blong man, i gud we yumi stanemap wan kwestin mo mekem plan blong gobak mo visitim hem. Samting ya bambae i mekem se man blong haos i rere from nekis visit blong yumi. Mo sipos ansa blong kwestin we yumi stanemap i stap finis long magasin we yumi givim, bambae hem i glad moa blong ridim haf ya. Taem yumi stanemap wan kwestin mo mekem plan blong gobak, bambae i isi moa long yumi blong storian from we yumi save finis wanem blong tokbaot, mo man blong haos tu i save finis wanem bambae yumi tokbaot. Taem yumi luk hem bakegen, yumi save eksplenem long hem se, yumi kambak blong ansa long kwestin we yumi stanemap long faswan visit, biaen yumi gohed long storian blong yumi.