Putum Faondesen Blong Visit Long Fastaem We Yu Toktok Wetem Man
1 Taem yumi putum wan gud faondesen long fastaem we yumi toktok wetem man samting ya bambae i mekem i isi moa blong mekem wan gudfala visit bakegen. Reasoning buk i save givhan long yumi blong mekem olsem.
2 Ol tok we oli kam biaen oli stanap long pej 10 [10,11] blong Reasoning buk, aninit long stampa tok ya “Bible/God.”
Afta we yu talem halo, yu save talem se:
◼ “Mifala i faenem se plante man tede oli harem se oli no moa save weples oli save faenem ansa blong ol trabol we oli stap kasem evri dei. ?Yu faenem se samting ya i tru? [Letem man i ansa.] Bifo ol man oli luk long Baebol blong kasem help. Be naoia plante oli talem se oli no moa save nao. ?Be, wanem tingting blong yu long Baebol?” Sipos man blong haos i talem se hem i no bilif sipos Baebol i tru, karemaot traket ya From Wanem Yu Yu Save Bilif Long Baebol mo ridim namba tu mo namba tri haf long pej 2. Sipos man blong haos i agri se Baebol i Tok blong God, yu save ridim vas we i stap long namba tu haf long pej 2 blong traket, mo tokbaot wetem hem.
3 Sipos i gat plante long teritori blong yufala we oli no bilif long Baebol, traem yusum namba faef tok long pej 10 [10,11] blong Reasoning buk blong wekemap intres blong olgeta.
Yu save talem se:
◼ “Taem yumi tingbaot ol faet we oli stap long wol tede, plante stret man oli faenem i had blong bilif long God. No sipos oli bilif long hem, be oli no bilif se hem i save finisim ol trabol we yumi stap kasem. ?Wanem tingting blong yu? [Letem man i ansa.] Makemgud wanem traket ya i talem long saed blong ol man, sayens, mo Baebol.” Afta yu save stat ridim haf faef long pej 3 blong traket ya From Wanem Yu Yu Save Bilif Long Baebol.
4 Askem Sam Kwestin We Oli Stanap Long Traket Blong Wokem Rod Long Nekis Visit Blong Yu: Plan we yumi mas gat long faswan tok se i wan stat nomo blong ol visit we bambae oli karem frut. Yu no mas se yu nidim blong tokbaot plante samting tumas. Mo tu yu no mas katem toktok blong yu long fasin we i mekem man blong haos i harem olsem we yu no rili intres long hem. Afta we yu ridim tu no tri haf long traket, askem wan kwestin we bambae yu save storeyan long hem long nekis visit.
5 Eksampel, yu save pulum tingting i go long haf tri long pej 4 mo askem: “?Yu ting se Baebol i givim inaf pruf blong trastem wanem we hem i talem long saed blong fyuja?” Samting ya bambae i stanemap wan poen blong nekis visit, taem ya yu save yusum japta 11 blong Trutok buk.
6 Bambae yu glad blong soem Trutok buk long faswan storeyan blong yu. Yu no fraet blong soem New World Translation. Long ples we yu ting se i gud, eksplenem kwiktaem nomo from wanem yumi stap leftemap tingting blong ol man blong yusum translesen ya.
7 Sipos yumi luk wanwan man blong haos olsem wan man we i save kam wan disaepol, bambae yumi mekem ol las tok blong yumi olsem wan faondesen blong wan visit bakegen.