“Ona Long Papa Mo Mama Blong Yu”

Taem Jisas i stap long wol, hem i tokbaot loa ya: “Yu mas ona long papa mo mama blong yu.” (Eks 20:12; Mt 15:4) Jisas i no sem blong talem tok ya from we taem hem i yangfala, oltaem hem i obei long papa mo mama blong hem. (Lu 2:51) Mo hem i meksua se afta we hem i ded, wan narafala man bambae i lukaot long mama blong hem.—Jon 19:26, 27.

Tede, ol yangfala Kristin oli ona long papa mo mama blong olgeta, taem oli obei long tufala. Nating se yumi bigwan finis, yumi mas folem loa ya yet. Taem tufala i kam olfala, yumi mas gohed blong lesin long waes blong tufala. (Pro 23:22) Mo tu, yumi ona long tufala, taem yumi mekem i gud long tufala mo pem ol samting we tufala i nidim. (1Ti 5:8) Nating se yumi yangfala o yumi olfala, be sipos yumi toktok oltaem long tufala, yumi stap ona long tufala.

WAJEM KATUN YA WE MAN I DROEM ?OLSEM WANEM BLONG TOKTOK GUD WETEM PAPA MO MAMA?, MO ANSA LONG OL KWESTIN YA:

• ?From wanem i no isi oltaem blong toktok wetem Papa mo Mama?

• Taem yu toktok long tufala, ?olsem wanem yu save ona long tufala?

  

• ?From wanem i impoten we yu traehad blong toktok gud long Papa mo Mama? (Pro 15:22)